தங்கள் கேள்வியில் 4 மாடி பன்மாடிக் குடியிருப்பின் கீழ்க்கண்ட அடிப்படைத்தகவல்கள் இல்லை

(1) மண்ணின் வகை,

(2) அடித்தள அமைப்புமுறை

(3) தரைத்தளத்தின் கார்பார்க்கிங் உண்டா, இல்லையா? மூன்றாவது பயன் படுத்தப்பட்ட காங்கிரீட் மற்றும் எஃகு கம்பிகளின்தரம்

(4) உங்கள் தளத்தில் உள்ள விட்டங்களின் அளவுகள் மற்றும் தூண்களுக்கு இடையே உள்ள தூரம் முதலியன தரப்படவில்லை,எனவே,நிறுத்தப்பட்டுள்ள தூண்களின் அளவுமட்டும்  (10”X 18”) கொடுக்கப்பட்டுள்ளது.

அதில் பொருத்தப்பட்ட எஃகு கம்பிகளின் அளவும் எண்ணிக்கையும் தரப்படவில்லை, எனவே, அமைக்கப்பட்டுள்ள தூண்கள் போதுமா, போதாதா என்று உடனடியாக உறுதியாகச் சொல்ல முடியவில்லை.

பொதுவாக பன்மாடிக்குடியிருப்புகளில் Weak beam and strong column (their structural stiffers = [ Ixx = Zxx / Zxx ] (மவுலிவாக்கம் பன்மாடி கட்டிடத்தில் Strong beam & weak cloumn ஆக இருந்ததால் தான் உடைந்து விழுந்தது) என்ற வடிவமைப்பு முறை கடைபிடிக்க வேண்டும். தோராயமாக நான்குமாடி குடியிருப்பில் தரைத்தளத்தில் அல்லது முதல்மாடியில் மையப்பகுதியில் இருக்கும் தூண்களில் 80 டன் முதல் 100 டன் வரை [ 100KN To 1000KN ] பாரம் வரலாம் உங்கள் குடியிருப்பில் உள்ள தூண் 9’’ x 18’’ ( 230mm x 450mm ) மற்றும் 6-20mm + 4-12mm உள்ள கம்பிகள் பொருத்தப்பட்டு இருந்தால், அவை மேலே குறிப்பிட்ட 80 டன் முதல் 100 டன் பாரத்தை பாதுகாப்பாக தாங்கும். 1’0” x 1’0’’ உள்ள தூணைவிடை 9” x 18’’ தூண் அதிக வலிமையுடையது.

எதற்கும் உங்கள் கட்டுமானத்தின் உரிமையாளர்/ விற்பனையரிடம் Structural design drawings (கட்டுமான வடிவமைப்பு வரைபடங்கள் ) இவற்றின் பிரதி கேட்டு அமைக்கப்பட்டுள்ள தூண்கள் பாதுகாப்பானவையா என்று ஒரு வடிவமைப்புப் பொறியாளரிடம் கொடுத்து அவை போதுமானவை என்று உறுதி செய்து கொள்ளுங்கள்.

- பில்டர்ஸ் லைன் மாத இதழிலிருந்து...
ஆன்லைனில் படிக்க.. www.buildersline.in
சந்தாவிற்கு... 8825479234.

வேலூரில் விடுகட்டப்போகும் நீங்கள் அங்கு நிலவும் கூடுதலான வெப்பத்திற்கு ஏற்ப வீடு கட்டத்திட்டமிடுவது பாராட்டத்தக்கது. கீழ்க்கண்ட கருத்துரைகளை நீங்கள் கடைபிடிக்கலாம்.

(1) வீட்டினுள் போதுமான வெளிச்சமும், காற்றோட்டமும் நிலவ பெரிய அளவில் நிறைய சன்னல்கள் மற்றும் வென்டிலேட்டர்களைப் பொருத்த வேண்டும்.

(2) வரவேற்பு அறையில் உயரக் கூரை அமைத்து (Double Storey) - FRP (Fibre Reinforced Plastics) double wall Poly carbonate Sheet கொண்டு மூடினால் வெளிச்சம் கூடுதலாகவும் வெப்பம் குறைவாகவும் இருக்கும்.

(3) சுற்றுச்சுவரை ஒட்டி நிழல் தரும் மரங்களை வைத்து வளர்க்கலாம்.

(4) சாதாரண செங்கலுக்கு பதிலாக பிளை ஆஷ் செங்கற்களைப் பயன்படுத்தவும். செலவு கூடுதல் பற்றி கவலைப்படாமல் இருந்த்தால் UPVC சென்னல்களைப் பயன்படுத்தலாம். செலவு குறைய வேண்டும் என்றால், டெரகோட்டா (Terracotta) ஜாலிகளை அமைக்கலாம். 

மேலும் விவரம் அறிய பசுமைக்கட்டிட வடிவமைப் பாளரை அணுகுங்கள் .

- பில்டர்ஸ் லைன் மாத இதழிலிருந்து...
ஆன்லைனில் படிக்க.. www.buildersline.in
சந்தாவிற்கு... 8825479234.

- பில்டர்ஸ் லைன் மாத இதழிலிருந்து...
ஆன்லைனில் படிக்க.. www.buildersline.in
சந்தாவிற்கு... 8825479234

1. உங்கள் வீட்டு மொட்டை மாடியிலிருந்து நீர்க்கசிவு ஏற்படுகிறதா?

2. உங்கள் வீடு மேலிருப்பவர் வீட்டு நீர்க்குழாய்களில் நீர்க்கசிவு ஏற்படுகிறதா?

3. உங்கள் வீட்டுக்கு மேலிருப்பவர் குளியலறை கீழ் பதித்த ஓடுகளிலிருந்து நீர்க்கசிவு ஏற்படுகிறதா? இவை குறித்து நீங்கள் விளக்கவில்லை.
என்றாலும், நீர்க்குழாய்களிலிருந்தும் தளம்பதித்த ஓடுகளின் இடைவெளி களிலிருந்த்தும் நீர்க்கசிவு இருப்பதாகச் கருதி - அவற்றைச் சரிசெய்யும் பழுது நீக்கும் வழிமுறைகள் தெரிவிக்கப்படுகின்றன.

மேல்வீட்டு/உங்கள் வீட்டு நீர்க் குழாய்களை முற்றிலுமாக PP-R GreenPipes (Heating Process for joining ) அல்லது Composite Pipes (Joining by Threads) கொண்டு மாற்றுங்கள். சாதாரண நீர்க்குழாய்களை இணைக்க Bonding solution பயன்படுத்தப்படுவதால் - அவை கெட்டியாகும் போது இடைவெளிகள் ஏற்பட்டு நீர்க்கசிவு ஏற்படுகின்றது.

குளியலறைத் தளத்தில் பளிங்கு / செராமிக் ஓடுகளைப் பதிப்பதற்கும் -இணைப்பை அடைக்க White Cement பயன்படுத்துவதால் சிலகாலத்தில் அவை பெயர்ந்து நீர்க்கசிவை ஏற்படுத்துகின்றன. 
மாற்றாக Silicone sealant (Tile related) கொண்டு இடைவெளிளை அடைக்க வேண்டும். இந்த இரு சரி செய்தல் முறைகள் நல்ல பயனைத் தரும்.

பின்குறிப்பு:
உங்கள் வீட்டு மேற்கூரையின் காங்கிரீட்பலகம் - இதனால் துருப்பிடித்துச் சேதம் அடைந்திருந்தால் அதைச் சரி செய்யத் தனி நடவடிக்கை எடுத்திட வேண்டும்.

- பில்டர்ஸ் லைன் மாத இதழிலிருந்து...

ஆன்லைனில் படிக்க.. www.buildersline.in
சந்தாவிற்கு... 8825479234