Q: தண்ணீரே இல்லாமல் வேதியல் கட்டிடப் பொருட்கள் கொண்டு கட்டப்படும் ஒரு தொழிற்நுட்பம் பற்றி நான் சென்ற இதழில் படித்தேன். 1. உண்மையில் நீரின்றி கட்டிடம் கட்டுதல் சாத்தியமா? அது உறுதியானதாக இருக்குமா? 2. அந்த மாற்று வேதியியல் பொருட்களை தயாரிக்க தண்ணீர் அவசியம் தானே? அப்படியெனில் வாட்டர்லெஸ் என்கிற கான்செப்ட் அடிபட்டு போகிறது தானே ..? ​- கீதா பெரியண்ணன்., ஆங்கில பேராசிரியை, சிவகங்கை.

இந்தக் கட்டுரை - Green Build Products  என்ற தனியார் நிறுவனம் தயாரிக்கும் ஆயத்த கட்டுமானப் பொருள்களைக் கொண்டு கட்டப்படுகிறது. நீங்கள் குறிப்பிடுவது போல இத்தொழில்நுட்பக் கட்டுமான வேலையில் - 50% அளவுக்கு மட்டுமே தண்ணீரின் தேவை குறைகிறது. (100% அல்ல). 

இதற்குமேலும் முன் ஆயத்த கட்டுமான வேதியியல் பொருட்களைத் தயாரிக்க ((Build Fast Plus, ECO Render Plus மற்றும் Green Seal) மறைநீர் Virtual Water) நிறையவே தேவைப்படுகிறது. அதைவிட இதன் கட்டுமானச் செலவு 150% முதல் 300% வரை கூடுதலாகிறது. இந்த விரைவான உலகில் இப்படிப்பட்ட விளம்பரக் கட்டுரைகள் இயல்பே. எனவே இதைப்பற்றி நாம் பெரிதாக அலட்டிக்கொள்ளத் தேவையில்லை.

Q: வீட்டு அறைகளுக்கு பெயிண்ட் அடித்தால் அந்த வாசனை போவதற்கு ஒரு வாரம் ஆகிறது. பெயிண்ட் வாடையே வராத பெயிண்டுகள் சந்தையில் உள்ளனவா? - ஆர்.ராஜேஷ், விவசாயி, புதுவை.

தற்போது வெளிச்சந்தையில் பெயிண்ட் வாடையே வராத Activated carbon Technology பெயிண்டர்கள் கிடைக்கின்றன. அவ்வகையில் ஒன்று: Asian Paints, Royale Atmos

Q: நான் ஒரு தொழிற்சாலையின் கோடவுனுக்கு 9 ஆயிரம் சதுர அடியில்,தரைத் தளம் அமைக்கும் வேலை எடுத்துள்ளேன். அது எலக்டிரிகல் உதிரிபாகங்கள் தயாரிக்கும் கம்பெனி. அதை வழக்கமான கான்கிரீட் தரையாக அல்லாமல்., ஸ்டீல் ஃபைபர் கான்கிரிட் கலந்து அமைத்தால் சிறப்பாக இருக்கும் என்கிறான் என் நண்பன்.. எனக்கு அது பற்றி தெரியாது. ஸ்டீல் ஃபைபர் கான்கிரிட் என்றால் என்ன? அது இந்த வேலைக்கு தேவையா? ஒரு ச.அடிக்கு ஆகும் வழக்கமான செல்வை விட எவ்வளவு ரூபய் அதிகமாக செலவாகும்? - ஆர், மனோ., காண்ட்ராக்டர் , மயிலை.

எஃகிழை கலந்த காங்கிரீட் (Steel Fiber Concrete) என்பதுdகாங்கிரீட்டில் ஒரு கனமீட்டர் அளவுக்கு 100 முதல் 150 கிலோ எஃகிழைகள் (Dramix- Steel Fiber ) கலந்து - தரையினைத் தயார் செய்வார்கள். இவை பெரிய அளவிலான தொழிற்சாலை தரைக்காகவே இப்பொழுது பெரிதும் பரிந்துரைக்கிறார்கள். இதன் அமைப்புச் செலவு  சாதாரண காங்கிரீட் தளத்தைவிடக் கூடுதலானது.

இதற்குப் பதிலாக-Synthetic Fibres-Monofilament and fibrillated polypropylene, Monofilament Polyester and nylon  கலந்தும் தொழிற்சாலை தரைகளைப் போடலாம். இவற்றின் விலை மிகவும் குறைவு.

இந்த இரண்டு வகை  Steel Fibre & Synthetic Fibre  கலந்த காங்கிரீட் தரைப்பரப்பில் ஏற்படும் சுருக்க மற்றும் நீள்விசை விரிசல்களை கட்டுப்படுத்துவதற்காகவே கலக்கப்படுகிறது. 

மேலும் அறிய Please Refer: TUF STRAND MICRO SYNTHETIC FIBRES

Q: கனமான பில்லர்கள் உள்ள பாலங்கள் தான் நம் நாட்டில் உள்ளது.. சமீபத்தில் அயல் நாடுகளில் நான் சென்ற போது பல இடங்களில் ஸ்டீல் கயிறுகளால் வடிவமைக்கப்பட்ட சஸ்பென்~ன் பாலங்களைப் பார்த்தேன்.. ஆச்சரியமாக இருக்கிறது. அடியில் பில்லர்கள் இல்லாமல் 200 மீ நீளத்திற்கு எப்படி பாலங்களை கயிறுகள் மூலம் நிறுத்தப்படுகிறது? இதன் தொழிற்நுட்பம் எப்படி செயல்படுகிறது? பாலத்தின் எடை எதன் மீது உட்காருகிறது...? - மகேஷ், உயிரியல் பேராசிரியர், நாகை

தாங்கள் குறிப்பிடும் தொங்கு பாலங்கள் (Suspension Bridges) உலகெங்கிலும் - தமிழ்நாட்டில் கூட - நிறையவே உள்ளன. இவற்றில் Concrete Suspension Bridges என்பது ஒருவகை. Steel Suspension Bridges என்பது மற்றொரு வகை. இவை எஃகுச் சங்கிலிகளால் - குழாய்கள் வடிவில் தொங்கிடத் தாங்கப்படுகின்றன. அய்ரோப்பிய நாடுகளில் எஃகு தொங்குபாலங்கள் மிக அதிகமாக உள்ளன. எஃகுக் கயிறுகள் பலவற்றை ஒன்று சேர்த்து எஃகுக் குழாயினுள் நுழைந்து - எஃகின் நீள்விசை (Tensile Force) - யால் தாங்கப்பட்டு அமைக்கப்படுகின்றன. சில புகழ்பெற்ற தொங்கு பாலங்கள்.

Tacoma Narrows Bridge, Puget Sound washington
Golden Gate Bridge at san Francisco Bay
Calcutta steel Bridge

Q: நான் கட்டத்துறைக்கு புதிய பொறியாளன். சென்னை சூளைமேட்டில் 800 சதுர அடியில் தனி வீடு ( ஜி+ 2) கட்ட உள்ளேன். இந்த மனையைச் சுற்றிலும் மூன்று பக்கமும் மூன்று பழைய வீடுகள் உள்ளன.. நெருக்கடியான இப்பகுதியில் இடத்தை வீணாக்கமால் ஒட்டி கட்ட வேண்டும். இந்த வீட்டுக்கான அஸ்திவாரம் அமைக்க 2. மீ வரை பள்ளம் தோண்டினால், பக்கத்தில் உள்ள பழைய கட்டடங்களுக்கு ஆபத்தாகி விடுமோ? என அஞ்சுகிறேன்.. பக்கத்து கட்டடங்கள் பழுதாகாமல் அஸ்திவாரம் அமைக்க உங்கள் அனுபவ ஆலோசனை என்ன? ​-பொறி. ராமன், படப்பை..

உங்கள் கேள்வி மிகுந்த தொழில் நுட்பம் நிறைந்தது. இருவகைகளில் உங்கள் அடித்தளத்தை அருகிலுள்ள வீடுகளுக்குச் சேதமில்லாமல் அமைத்திடலாம்.

1. எங்கெங்கே தூண்dபுரவல் அடித்தளங்கள் வருகின்றனவோ அங்கெல்லாம் பக்கவாட்டுச் சுவரை முட்டுக் கொடுத்து மண் சரிவதைத் தடுத்து விட்டு, கீழே உங்கள் நிலத்தின் ஓரத்தில் ஒரு பக்கம் சாய்ந்து பரவல் அடித்தளத்தை (Eccentric Footings) போட்டு மேலே கொண்டு வருவது.

2. இரண்டாவது முறையில், எங்கெங்கே தூண் - பரவல் அடித்தளங்கள் வருகின்றனவோ - அவ்விடங்களில் 1.00மீ/1.20மீ  தூர இடைவெளி (உங்கள் அடி மனை விளிம்பிலிந்து) உள்ளே விட்டு, தூண் பரவல் அடித்தளத்தை எப்போதும் போல போடுங்கள். தரைமட்ட அளவில் மட்டும், தூணிலிருந்து 1.00மீ / 1.20மீ தூரமுடைய கொடுங்கை விட்டத்தை அடிமனை விளிம்பு வரை - போட்டு எல்லா கொடுங்கை விட்டங்களை ஓர தாங்கு விட்டம் (Grade Tile Beam) போட்டு இணைத்து அதன் மீது ஓரச் சுவரை (தரை மட்டத்திற்கு மேலே) கட்டிக் கொள்ளலாம். இம்முறையில் ஒவ்வொரு தளத்திலும் Cantilevered end beams connected with edge beam) போட வேண்டி இருக்கும்.

இரண்டாவது முறை மிகவும் பாதுகாப் பானது. நீங்கள் ஒரு கட்டுமானப் பொறியாளராக இருந்தாலும், இதற்குரிய வடிவ மைப்பை ஒரு வடிவமைப்புப் பொறி யாளரிடம் (Structural Engineer) பெற்றே கட்ட வேண்டும் என்பது வலியுறுத்தப் படுகிறது.