Q: பொதுவாக எனக்கு ஒரு அய்யம்.. ஒரு கட்டுமானத்தை ஒரு குறிப்பிட்ட பயன்பாட்டுக்கு கட்டிய பிறகு வேறொரு பயன்பாட்டுக்கு ஏற்றார்போல் மாற்றி அமைக்க முடியாது.. உதாரணத்திற்கு அலுவலக அறையை வசிப்பிடமாக்குவதில் சிரமமாக இருக்கும்.. தொழிற்சாலையை ஹோட்டலாக மாற்ற முடியாது...திரையரங்கை..,.அலுவலகத்தை ஒர்க் ~hப்பாக மாற்ற முடியாது. அவ்வளவு ஏன் பெட் ரூமை க்கூட கிச்சனாக மாற்ற முடியாது.. உண்மை இப்படி இருக்க..,சட்ட மன்றக் கட்டடத்தையே.., மருத்துவமனையாக ( பயன்பாடு மட்டும் ., கட்டடத்தை அல்ல) மாற்றி அமைத்த அதிபுத்திசாலிகள் பற்றி உங்கள் கருத்து.. - சுதாகர்.., மணிமங்கலம்

 ஒரு கட்டடத்தை ஒரு பயன்பாட்டிற்காகக் கட்டியபிறகு வேறொரு பயன்பாட்டிற்கு (அதுவும் கூடுதல் பாரம் வரும்) மாற்றக் கூடாது. முற்றிலும் தவிர்க்கப்படவேண்டும்.

.இது பாதுகாப்பினைக் குறைத்து கட்டடங்களின் பயன் படுகாலத்தைக் குறைப்பதுடன் இரட்டை வெட்டிச்செலவு. அப்படித்தான் சட்டமன்றக் கட்டடத்தை பல்துறை மருத்துவமனையாக மாற்றினார்கள். அன்று முதலமைச்சராக இருந்தவரின் தனிப்பட்ட பொறாமை மற்றும் ‘தான்’ தான் எல்லாம் என்ற தன்முனைப்பு (Ego).

பொதுவாழ்வில் முற்றிலும் தவிர்க்கப்பட வேண்டியது. சொந்த நலனுக்காக - அச்ச உணர்வோடு எடுபிடிகளாகச் செயற்பட்ட பொறியாளர்களின் தவறான பிழைப்பு முற்றிலும் தடுக்கப்பட்டிருக்க வேண்டும். இடிப்பார் இல்லா ஏமரா மன்னன்; அச்சம் என்பது கீழ்களது ஆசாரம் என்பதை உணராத அரசு அதிகாரிகளின் விளைவே இது.

Q: நான் சென்னை, பட்டாளம் பகுதியில் ஒரு அதி உயரக்கட்டத்தில் ஃபிளாட் ஒன்றை வாங்க்குவதற்காக சென்றேன்.. பத்தாம் மாடியில் ஃப்ளாட்... தரை கூரை மட்டும் தான். கான்கிரீட். போட்டிருந்தார்கள். . 800 ச.அடியில் சுற்றிலும் ஒரே ஹாலோவாக இருக்கிறது.. சுற்றிலும் சுவர்களே இல்லை..கேட்டால் நம் விருப்பத்திற்கு ஏற்றார்போல் அறைகளை காங்கிரீட் பலகைகள் வைத்து முடுக்குவார்களாம்.. பார்ட்டிஷியன் சுவர்கள் என்றால் கூட பரவாயில்லை.. வெளிப்புறச் சுவர்கள் கூட காங்கிரீட் பலகைகள் தானாம்.. என்னடா இது ? என பயந்து வந்து விட்டேன்.. இது போன்ற வீடுகள் பாதுகாப்பானது தானா? செலைவக் குறைக்க இப்படி செய்கிறார்களா? இல்லை கட்டட எடை குறைக்க இப்படி செய்கிறார்களா? - ஆர்.சிவா.சென்னை., பெரம்பூர்

நிச்சயமாக இந்தத் தளம் கட்டுவதற்கு உரிய அனுமதி இருக்காது. எனவே நிச்சயமாக இதைத் தவிருங்கள். இத்தகைய அறைகளில் உரிய பாதுகாப்பு இருக்காது. செலவைக் குறைக்கவும் உள்ளாட்சி திட்ட அதிகாரிகளை ஏமாற்றவும் ( அல்லது கையூட்டு கொடுத்தும்) இப்படிச் செய்கிறார்கள்.

இத்தகையவர்களுக்கு கண்டிப்பாக கடுமையான தண்டனை வழங்கப்பட வேண்டும்.

Q: அய்யா நான் திருச்சியில் 1000 ச.அடியில் புது வீடு கட்ட இருக்கிறேன்..பொதுவாக ஒரு வீட்டின் அழுகு தொட்டி., குடி நீர் தொட்டி ( கீழ் நிலை.., மற்றும் மேல் நிலை) ஆகிய தொட்டிகளின் கொள்ளவை எப்படி கணக்கிடுவது? எங்கள் வீட்டில் 4 பெரியவர்கள் 2 குழந்தைகள் மட்டும் தான் வசிக்க இருக்கிறோம்... - செங்கல்வராயன்., தலைமை ஆசிரியர் வீடுகளில் கட்டப்படும் அழுகுத் தொட்டிகளுக்குப் பயன்படுத்துவோர் எண்ணிக்கையைப் பொறுத்து அளவீடுகள் உள்ளன. அவை கீழே தரப்பட்டுள்ளன. . குடிநீர்த்தொட்டி (தரைகீழ் மற்றும் மேல்நிலை)கள், ஓர் ஆளுக்கு ஒரு நாளைக்கு 135 லிட்டர் என்ற கணக்கிலும் மற்றும் பிறதேவைகளுக்கேற்ப (தீத்தடுப்பு, தோட்டம், நாய், கோழி போன்ற பிராணி வளர்ப்பு) அமைக்கப்பட வேண்டும். 4 பெரியவர்கள் + 2 குழந்தைகளுக்கு 4000 லிட்டரின் தரைகீழ்த் தொட்டியும் 2000 லிட்டரில் மேல்நிலைத் தொட்டியும் போதுமானவை.

வீடுகளில் கட்டப்படும் அழுகுத் தொட்டிகளுக்குப் பயன்படுத்துவோர் எண்ணிக்கையைப் பொறுத்து அளவீடுகள் உள்ளன. அவை கீழே தரப்பட்டுள்ளன.

 குடிநீர்த்தொட்டி (தரைகீழ் மற்றும் மேல்நிலை)கள், ஓர் ஆளுக்கு ஒரு நாளைக்கு 135 லிட்டர் என்ற கணக்கிலும் மற்றும் பிறதேவைகளுக்கேற்ப (தீத்தடுப்பு, தோட்டம், நாய், கோழி போன்ற பிராணி வளர்ப்பு) அமைக்கப்பட வேண்டும். 4 பெரியவர்கள் + 2 குழந்தைகளுக்கு 4000 லிட்டரின் தரைகீழ்த் தொட்டியும் 2000 லிட்டரில் மேல்நிலைத் தொட்டியும் போதுமானவை.

Q: மதிப்பிற்குரிய பொறியாளர் அவர்களே, Framed Structure வகை கட்டிடங்களில் வெளிப்புற சுவர்களில் உத்திரங்களுடன் இணையும் இடத்தில் ஏற்படும் ளாசiமெயபந விரிசல்களின் வழியே மழைக்காலத்தில் நீர்க்கசிவு ஏற்படாமல் தடுப்பதற்கு ஏதேனும் வழி உள்ளதா? - சதீ", சைட் பொறியாளர், மதுரை

அடிப்படையாகவே வெளிப்புறச் சுவர்களில் உத்திரங்களுடன் இணையும் இடத்தில் ஏற்படும் சுருக்க  (Shrinkage) விரிசல்களின் வழியே மழைக் காலத்தில் நீர்க்கசிவு ஏன் ஏற்படுகிறது? என்பது முற்றிலும் ஆய்வு செய்யப்பட வேண்டும். தடுக்கும் வழியாகவே இவற்றை முயலலாம்.

1. வெளிப்புறச் சுவர்களை உத்திரங்களை முட்டிக் கட்டாமல் 12மிமீ இடைவெளி விட்டு, அந்த இடத்தில் Expansion pad வைத்து நிரப்பலாம்.

2. மொட்டை மாடி, கைப்பிடிச் சுவர்களிலிருந்து மழை நீரை - தள்ளிவிழுமாறு ஏற்பாடு செய்யலாம்.

3. தற்காலிகமாக மொட்டை மாடியில் New Coat - உம், சுவரும் உத்திரங்களும் சேரும் பகுதிகளில் Ultra Tech-Seat & Dry- 2 Coats அடித்துத் தடுக்கலாம்.

Q: கான்கிரீட்டில் சில இழைகளைப் பயன்படுத்தி கான்கிரீட்டை வலிமை ஆக்கலாம் என படித்தேன். அதில் ஸ்டீல் இழைகள்., பாலி புரொப்பலீன் இழைகள் என இரு குவாலிட்டி இருப்பதாக அறிய நேர்ந்தது. இந்த இரண்டிற்கும் என்ன வித்தியாசம்? எந்த பயன்பாட்டிற்கு எந்த இழைகளை பயன்படுத்த வேண்டும். - பொறி. மனோகர். திருஅல்லிக்கேணி.

காங்கிரீட்டை - நீட்சி விசையினைத் தாங்கும் தன்மையினைக் கூட்டிட, எஃகு இழைகள் (Dramix  போன்ற) மற்றும் செயற்கை நெகிழி இழைகள் (Recron  3S போன்ற) பயன்படுத்தப்படுகின்றன.  எஃகு இழைகள் செலவு கூடியவை.  செயற்கை நெகிழி இழைகள் செலவு குறைந்தவை.  

தேவைக்கேற்ப இரண்டில் ஒன்றைப் பயன் படுத்தலாம்.  பொதுவாக தொழிற்சாலை தளங்கள் அமைத்திட இந்த இழைகள் பயன்படும்.