Q: கட்டி முடிக்கப்பட்ட வீட்டை வாங்க இருக்கிறோம். ஆவணங்கள் எல்லாம் சரிபார்த்தாகி விட்டது. ஆனால் கட்டுமானத்தின் தரம், அந்த குடியிருப்பின் கட்ட வடிவமப்பின் தரம் ஆகியவற்றை எங்ஙனம் தெரிந்து கொள்வது? - எஸ்.பவித்ரா, ஃபேசன் டிசைனர்

அன்புள்ள சகோதரி பவித்ரா அவர்களே, நீங்களே புதிய வீட்டை வாங்குவதற்கு முன்பாக கட்டுமானத்தின் தரம், அதன் வடிவமைப்பின் தரம் இவற்றை அறிய 10 ஆண்டுகளுக்கு மேலாக கட்டடத் துறையில் திறமையும் அனுபவமும் உள்ள கட்டுமானப் பொறியாளரை அணுகுங்கள்.

Q: அய்யா வணக்கம், திருவள்ளூரில் மேல் நல்லாட்டூரில் ஜி+2 வீடு கட்ட இருக்கிறேன். 11 மீ உயரம் வரக்கூடும். கட்டடம் கட்டும்போதே இங்கே செல் டவர் அமைக்க என்னை அணுகி இருக்கிறார்கள் . செல் டவர்கள் தரக்கூடிய அதிர்வு, எடை காரணமாக இப்பகுதியில் யாரும் டவர்களை அமைக்கவிடவில்லை. ஒருவேளை செல்டவர் அமைப்பதற்கான கட்டட வடிவமைப்பு, அடித்தளம் ஆகியவற்றை அமைத்துக்கொண்டால் செல்டவர் பொருத்த விடலாம் அல்லவா? மாதம் 30 ஆயிரம் வாடகை வரக் கூடிய சூழல் இருப்பதால் கேட்கிறேன். ரமேஷ் சந்தர், விற்பனை மேலாளர், திருவள்ளூர்.

உங்களுடைய  புதிய வீட்டுக் கட்டடத்தின் மீது (11.00 மீட்டர்க்கு மேலே செல் டவர் அமைக்க ஒப்புதல் தராதீர்கள். செல் டவரால் ஏற்படும் அதிர்வுகளினாலும் புயல் காலங்களில் பலமாக காற்று வீசுவதானாலும் செல் டவர் பொருத்தியக் கட்டடங்களுக்குச் சேதங்கள் ஏற்பட்டுள்ளன. எனவே மாதம் ரூ. 30,000க்கு ஆசைப்பட்டு ரூ. 50 இலட்சம் செலவழித்துக் கட்டிய வீடு சேதமடைவதற்கு நீங்களே காரணமாக இருக்காதீர்கள். வீடுகளின் மொட்டை மாடியில் இப்படிப்பட்ட செல் டவர்களை அமைப்பது பாதுகாப்புடையதன்று.

பதிலளித்தவர் : மூத்த பொறியாளர் திரு. அ.வீரப்பன்

-----------------------------------------------------------------------------------

2020, நவம்பர் மாத , பில்டர்ஸ் லைன் கட்டுமான இதழிலிருந்து.

பில்டர்ஸ் லைன் இதழினை தபாலில் பெற : Call: 8825577291

Q: அய்யா. ஏற்கெனவே நமது பொறியியல் பாடத்திட்டத்திலும்,சிவில் படிப்பு முடித்து வெளியே வரும் மாணவர்களிடையேயும் கற்றல் மற்றும் செயலாற்றலில் பல குறைபாடுகள் உள்ளன. அதில் இந்த ஆண்டு கொரானோ காரணமாக இறுதி ஆண்டு மாணவர்கள் தங்கள் படிப்பினையும் தேர்வினையும் சரிவர முடிக்காமல் பட்டம் பெற்று துறையில் நுழையக் கூடிய வாய்ப்பு இருக்கிறதே. இதன் பின் விளைவுகள் என்னவாக இருக்கும். இவர்களை முறையாக எவ்வாறு கட்டமைப்பது?

Q:

Q: நாங்கள் 800 சதுர அடியில் ஜி + 1 வீடு கட்டி வருகிறோம். பாரம் தாங்கும் சுவராக அல்லாமல் ஃபிரேம்ட் ஆர்சிசி கட்டமைப்பு கட்டடமாக கட்ட இருக்கிறோம். வீட்டிற்கு அஸ்திவாரம் தோண்டும் போது கிடைத்த ஏராளமான மண்ணைக் கொண்டு நான்கு அடி பேஸ்மட்டம் நிரப்பலாம் என் யோசனை சொல்கிறேன். என் கணவரும் அதைத்தான் வற்புறுத் துகிறார். ஆனால், எங்கள் பொறியாளர் அஸ்திவார மண் நொய் மண்/ மென் களிமண்ணைப் பயன்படுத்தாதீர்கள் எனச் சொல்கிறார். புதிய மணல் வாங்கினால் அதிக செலவு பிடிக்கும். மேலும் இலவசமாக கிடைத்த இந்த மண்ணை என்ன செய்வது? சகீலா மோகன், பள்ளி ஆசிரியை, செய்யாறு,