டெல்லி அருகேயுள்ள நொய்டா நகரம், உத்தரபிரதேச மாநிலத்தின் கவுதம புத்தா நகர் மாவட்டத்தில் அமைந்து உள்ளது. தொழில் நகரமான இதன் அருகில் உள்ள ஷா பெரி என்னும் கிராமத்தில் புதிதாக 6 மாடி கட்டிடம் ஒன்று கட்டும் பணி கடந்த சில வாரங்களாக நடந்து வந்தது. நேற்று முன்தினம் இரவு இந்த கட்டிடம் திடீரென பயங்கர சத்தத்துடன் இடிந்து அருகில் இருந்த 4 மாடி கட்டிடத்தின் மீது விழுந்தது. இதனால் 4 மாடி கட்டிடமும் முற்றிலுமாக இடிந்து தரைமட்டமானது.

6 மாடி கட்டிடம் கட்டும் பணியில் அதன் கீழ்த்தளத்தில் தங்கியிருந்து 12 தொழிலாளர்கள் வேலை பார்த்து வந்தனர். இவர்கள் அனைவரும் இடிபாடுகளுக்குள் சிக்கிக் கொண்டனர். இதேபோல் 4 மாடி கட்டிடத்தில் வசித்த சில குடும்பத்தினரும் இடிபாடுகளில் சிக்கினர். இதனால் மொத்தம் எத்தனை பேர் கட்டிட இடிபாடுகளுக்கு சிக்கியுள்ளனர் என்ற விவரம் உடனடியாக தெரிய வரவில்லை. 

சம்பவ இடத்துக்கு விரைந்த தேசிய பேரிடர் மீட்பு படையினர் மற்றும் தீயணைப்பு வீரர்கள் இடிபாடுகளுக்குள் சிக்கியவர்களை மீட்கும் பணியில் ஈடுபட்டு வருகின்றனர். இந்த விபத்தில் பலி எண்ணிக்கை 98 ஆக அதிகரித்துள்ளது. இந்த துயர சம்பவத்தை தொடர்ந்து 6 மாடி கட்டிடத்தின் நில உரிமையாளர் உள்பட 3 பேரை போலீசார் கைது செய்தனர். இவர்கள் மீது 5 பிரிவுகளில் வழக்கு பதிவு செய்யப்பட்டு உள்ளது.
 

இதன் இடிபாடுகளில் 50க்கும் மேற்பட்டோர் சிக்கியுள்ளதாக கூறப்பட்ட நிலையில், நேற்று 3 பேரின் உடல்கள் மீட்கப்பட்டன. இந்நிலையில் மேலும் 6 பேரின் உடல்கள் மீட்கப்பட்டதை அடுத்து பலியானவர்களின் எண்ணிக்கை 9 ஆக அதிகரித்துள்ளது. தொடர்ந்து இடிபாடுகளை அகற்றும் பணி நடைபெற்று வருகிறது.