logo

Welcome Guest

25 ஆம் ஆண்டில் நமது பில்டர்ஸ் லைன்
20 நவம்பர் 2024   12:14 PM



இந்தியாவிலேயே அதிகமாக விற்பனையாகிற, அதிக சந்தாதாரர்களுடைய கட்டுமான துறைக்கான ஒரே தனிப்பெரும் இதழான பில்டர்ஸ் லைன் மாத இதழ் இந்த மாதத்தில் இருந்து 25 ஆம் ஆண்டில் அடி எடுத்து வைக்கிறது.
கட்டடத் துறைக்கு என்று ஒரு தனி இதழா? அந்த அளவுக்கு கட்டுமானத்துறை பெரியதா? என 25 ஆண்டுகளுக்கு முன்பு கேட்டவர்கள் இப்போது மன உவப்புடன்  நமது வளர்ச்சியினைப் பாராட்டுகிறார்கள்.
 
எத்தனையோ இளம் பொறியாளர்களுக்கும், சைட் பொறியாளர்களுக்கும், அனுபவம் பெற்ற பொறியாளர்களுக்கும், ஆர்க்கிடெக்ட்களுக்கும், பில்டர்கள், கான்ட்ராக்டர்களுக்கும், பொதுமக்களுக்கும் பல்வேறு ஆலோசனைகளையும் , கட்டுமான வழிகாட்டு முறைகளையும் அள்ளித் தரும் நமது பில்டர்ஸ் லைன்  மாத இதழ், இன்றைய தமிழக கட்டுமானத் துறையில் பிரிக்க முடியாத அங்கமாக இருக்கிறது.
 
இதில் வெளியாகும் கட்டுமான தொழில்நுட்பங்கள், கட்டுமான ஆலோசனைகள், உலகளாவிய கட்டிடக்கலை, நிபுணர்களின் கட்டுரைகள், வெற்றி பெற்ற தொழில் முனைவோர்களின் நேர்காணல்கள், அலுவலக கட்டுமான மேலாண்மை ஆகியவை ஒன்று சேர்ந்து கட்டுமான துறைக்கான தனி என்சைக்ளோ பீடியவாக திகழ்ந்து வருகிறது.
கிராமப்புறங்களில்  கட்டுமானப் பொறியியலை தமிழில் படிக்கும் எளிய மாணவர்கள் நிகழ்கால கட்டுமான தொழில்நுட்பங்களை புரிந்து கொள்ள வேண்டும் என்ற நோக்கில் துவங்கப்பட்ட நமது பத்திரிகை இன்று கிராமப்புறங்களில் மட்டுமல்லாது, நகர் புறங்களிலும் பெருமளவில் சென்று சேர்ந்து இருக்கிறது.
 
நீங்கள் ஒரு கட்டுனராகவோ அல்லது காண்ட்ராக்டராகவோ, பொறியாளராகவோ அல்லது கட்டுமானத்துறையில் எந்த ஒரு அங்கம் வகித்தாலும் உங்களுக்கு பில்டர்ஸ் லைன் பத்திரிகையை தெரியாமல் இருக்காது என்பதுதான் நமது பத்திரிகையின் தனிச் சிறப்பு.
 
இத்தனைச் சிறப்பு வாய்ந்த  நமது பத்திரிகை துவங்கப்பட்டு24  ஆண்டுகள் முடிந்து 25 ஆம் ஆண்டில் அடியெடுத்து வைத்திருக்கிறது. என்றால் இந்த நீண்ட நெடிய பயணத்திற்கு ஊக்கமும் ஆதரவு அளித்த சந்தாதாரர்களுக்கும், விளம்பர அளித்து வரும் நிறுவனங்களுக்கும் நாம் இரு கரம் கூப்பி மனமுவந்து நன்றியை தெரிவித்துக் கொள்கிறோம்.
இதே போன்ற தோழமையும் ஆதரவையும் தொடர்ந்து நல்கும் படி வேண்டி கேட்டுக்கொள்கிறோம்.
 
குறிப்பு:
நமது பில்டர்ஸ் லைன் 2025  ஜனவரி மாதத்திலிருந்து அதிக பக்கங்களை உடைய இதழாக தனி பிரதி ரூபாய் 100 ரூபாய் விலையில் கிடைக்கும் என்பதையும்,  இனி ஓராண்டுச் சந்தா ரூ.990,  3 ஆண்டு சந்தா 2,500 என்பதையும் இக்கணத்தில் பதிவு செய்கிறோம்.
 
நன்றி 
- நிர்வாக குழு
 
மேலும் விவரங்களுக்கு : 88255 77291

இன்னும் செய்திகள்    

Builders Line : No.621, Anna Salai. SIRE Mansion, 3rd Floor(Yamaha showroom above, Old Model school road Beginning),
Near to Gemini Bridge, Chennai - 600006.
Phone : 044-42142483, Email : buildersline@gmail.com
Powered by : JB Soft System, Chennai.

Total No.of Visitors : 2066534