நடப்பு ஆண்டின் முதல் 6 மாதங்களில் (2019 ஜனவரி- ஜூன்), 8 பெருநகரங்களில் அடுக்குமாடி குடியிருப்புகளில் வீடுகள் விற்பனை 4 சதவீதம் அதிகரித்து இருக்கிறது.

மும்பை, கொல்கத்தா

டெல்லி, மும்பை, கொல்கத்தா, பூனா, ஐதராபாத், பெங்களூரு, சென்னை மற்றும் அகமதாபாத் ஆகிய 8 பெருநகரங்களில் மேற்கொள்ளப்பட்ட ஆய்வு ஒன்ஷீன்படி, ஜூன் மாதத்துடன் நிறைவடைந்த முதல் அரையாண்டில், அடுக்குமாடி குடியிருப்பு வீடுகள் விற்பனை 4 சதவீதம் உயர்ந்துள்ளது.இதில் மும்பையில் வீடுகள் விற்பனை அதிகபட்சமாக 33,731-ஆக இருக்கிறது.டெல்லி யில் (என்.சி.ஆர்.உள்பட) விற்பனை 10 சதவீதம் உயர்ந்துள்ளது. அதே சமயம் கொல்கத்தாவில் விற்பனை 30 சதவீதம் சரிவடைந்து இருக்கிறது. 

கடந்த ஆண்டின் இதே காலத்துடன் ஒப்பிடும்போது புதிய வீடுகள் அறிமுகம் (சப்ளை) இந்த 8 நகரங்களில் 21 சதவீதம் அதிகரித்துள்ளது. அதில் அகமதாபாத்தில் சப்ளை 157 சதவீதம் அதிகரித்து (1,323-ல் இருந்து) 3,398- ஆக உயர்ந்து இருக்கிறது. அடுத்து ஐதராபாத்தில் 47 சதவீதம் அதிகரித்துள்ளது. பூனா மற்றும் மும்பை ஆகிய நகரங்களில் முறையே 52 சதவீதம் மற்றும் 22 சதவீதம் வளர்ச்சி கண்டுள்ளது.

கணக்கீட்டுக் காலத்தில் அடுக்குமாடி குடியிருப்புகளில் விற்பனை ஆகாமல் உள்ள வீடுகளின் எண்ணிக்கை 9 சதவீதம் குறைந்துள்ளது. ஐதராபாத்தில் இந்த எண்ணிக்கை 67 சதவீதம் குறைந்து இருக்கிறது. அதே சமயம் மும்பையில் 14 சதவீதம் அதிகரித்து இருக்கிறது.

இந்திய பெருநகரங்களில், அடுக்குமாடி குடியிருப்புகளில் வீடுகள் விற்பனை நிலவரம் குறித்து காலவாரியாக பல்வேறு நிறு வனங்களை புள்ளிவிவரங்களை வெளியிட்டு வருகின்றன. ஆனால் இந்த புள்ளிவிவரங்கள் ஒரே மாதிரி இருப்பதில்லை. ஒவ் வொரு நிறுவனமும் மற்றொன்றுடன் முரண்படுகிறது. எனவே இந்த விrயத்தில் அளிக்கப்படும் புள்ளிவிவரங்கள் தற்காலிகமான வை என்று ஆய்வாளர்கள் கூறுகின்றனர்.  

கடந்த நிதி ஆண்டில்....

2018-19- ஆம் நிதி ஆண்டில் அடுக்குமாடி குடியிருப்பு வீடுகள் விற்பனை 5 சதவீதம் உயர்ந்துள்ளது. இதில் மும்பையில் வீடுகள் விற்பனை அதிகபட்சமாக 70,794- ஆக இருக்கிறது. டெல்லியில் (என்.சி.ஆர்.உள்பட) விற்பனை 13 சதவீதம் குறைந்து 54,174 வீடுகளாக உள்ளது. கொல்கத்தா மற்றும் ஐதாராபாத் ஆகிய நகரங்களில் தலா 20 சதவீதம் அதிகரித்து இருக்கிறது. பெங்களூருவில் 14 சதவீதம் உயர்ந்துள்ளது.