வீடுகளைக் கட்டும் போது சன்ஷேடுகளை. நாம் 90 சதவீதம் கான்கிரீட்டில் அமைக்கிறோம். இவைகளை அமைக்கும்போது நாம் பின்பற்ற வேண்டிய விதிமுறைகளை காண்போம்.

சன்ஷேடுகள் லின்டல் அளவில் லின்டல் பட்டையுடன் இணைத்து அமைக்கப்பட வேண்டும். இதன் அளவு 45 செ.மீ ஆக இருக்க வேண்டும். இதை அமைக்கும் போது கம்பிகளை சரியான இடத்தில் அமைத்து இருக்க வேண்டும். சன்ஷேடுகள் அமைக்கப்படவில்லை என்றால் ரூம் உள்ளே உஷ்ணம் அதிகமாக இருக்கும். சன்ஷேடுகள் அமைப்பு கோடைகாலத்திலும் குளிர் காலத்திலும் பயனுள்ளவையாக இருக்கும். சன்ஷேடுகள் சரியான இடத்தில் அமைத்தால் ரூம் உள்ளே தட்பவெப்பநிலை அனுகூலமாக இருக்கும். சூரிய ஒளி உள்ளே அனுமதிக்கபடுவதால் அதன் வெளிச்சம் உட்புறத்திற்கு போதும். 

பொதுவாக லின்டல் பட்டையுடன் இணைத்து சன்ஷேடுகள் அமைக்க  வேண்டும். மேலும் லின்டல் பட்டையை ஜன்னலுக்கு மேலே லின்டல் பீமாக அமைக்க வேண்டும். சன்ஷேடின் மேல் புறத்தில் கம்பி அமைக்க வேண்டும் இதற்கு கம்பிகளை சேர் மேல் பொருத்தி கான்கிரீடின் போது கம்பி நகராமல் பார்த்து கொள்ள வேண்டும்.

கான்கிரீட்டில் சன்ஷேடு அமைத்த பிறகு லிண்டல் மேல் சுவர் எழுப்பி முடியும் வரை சன்ஷேடின் முட்டுகளை தளர்த்த கூடாது. முட்டுதளர்த்தும் போது முதலில் வெளிபுற முட்டுகளை தளர்த்த வேண்டும் முட்டு தளர்த்துவதை வெளியிலிருந்து உள்ளாக செயல் படுத்த வேண்டும். இல்லாவிட்டால் சன்ஷேடு விரிசல் விட வாய்ப்பு உள்ளது.

மழை பொழியும் போது தண்ணீர் சன்ஷேடிலிருந்து சரியாக வடிய வேண்டும். வடியும் தண்ணீர் கீழே சொட்டுவதற்கு சன்ஷேடின் விளிம்பில் சரியான உதடுகளை வடிவமைக்க வேண்டும். எக்காரணத்தை கொண்டும் சன்ஷேட்டின் மேல் பளு ஏற்ற கூடாது. மேலே உள்ள வீட்டில் இருந்து குப்பைபோட்டால் அது சன்ஷேடின் மேல் விழுந்து நாளடைவில் அது விரிசல் அடைய வாய்ப்புள்ளது. இதை தவிற்க வேண்டும். இம்முறைகளை சரியாக பின்பற்றினால் சன்ஷேடுகள் நமக்கு கோடையிலும் குளிர் காலத்திலும் நன்மை பயக்கும்.

-------------------------------------------------------------

2020, செப்டம்பர் மாத , பில்டர்ஸ் லைன் கட்டுமான இதழிலிருந்து.

பில்டர்ஸ் லைன் இதழினை தபாலில் பெற : Call: 8825577291