சரியான கட்டுமான தொழில்நுட்ப ஆலோசனை பெற்ற பின்புதான், வீடு கட்டும் வேலையை ஆரம்பிக்கிறார்கள் என்பது நிச்சயமில்லை. அனைத்து விrயங்களிலும் முழுகவனம் செலுத்தியும், கட்டி முடித்த சில மாதங்களிலேயே,சுவர்களில் மெல்லிய விரிசல்கள் ஏற்படலாம்.

புதிய கட்டடங்களில் ஏற்படும் இது போன்ற விரிசல்கள், உரிமையாளர்களை வருத்தமடையச் செய்யும். இது போன்ற   சூழல்களில், மிகவும் நிதானமாகவும், பொறுப்புடனும் செயல்பட வேண்டும்.வேலையாட்களின் அவசர மனநிலை, வேலை பற்றிய முன் அனுபவம் இல்லாதது, தொழில்நுட்ப அறிவு பெறாதது ஆகிய   மனிதக் குறைபாடுகள் கட்டடம் விரிசல் விட காரணமாக உள்ளன.

விரிசல் வந்தவுடன் கட்டுமான நிறுவனத்தை தேடிபிடித்து, அதன் நிர்வாகிகளிடம் ஆத்திரத்தில் கூச்சலிடுவது, பாக்கிப் பணத்தை கொடுக்க முடியாது என மிரட்டுவது போன்ற செயல்கள் மோசமான பின் விளைவுகளை ஏற்படுத்தும். இது போன்ற சூழலில், கட்டுமான நிறுவனத்திடம் விளக்கம் கேட்பதும், பதில் பெறுவதுமாக இருப்பதை உறுதி செய்துக் கொள்ள வேண்டும். வாய்மொழியாகப் பெறப்படும் பதில்களைக் காட்டிலும், எழுத்துப்பூர்வமாக பதில் அளிக்கும் போது, கட்டுமான நிறுவன நிர்வாகிகள் மிகுந்த பொறுப்புடன் செயல்பட வேண்டிய கட்டாயம் ஏற்படுகிறது.

கான்கிரீட்டில் அதிகப்படியான தண்ணீர் வெளியேறினாலும் விரிசல்கள் ஏற்படும். கட்டுமான அஸ்திவாரம் கீழே இறங்குதல், கம்பிகளில் துருப்பிடித்தல், நில நடுக்கம், வாகனங்களின் போக்குவரத்து அதிர்வு ஆகியவற்றாலும் விரிசல்கள் ஏற்படலாம். புதிய கட்டடங்களில் ஏற்படும் விரிசல்களுக்கு, பெரும்பாலும் மேற்பூச்சுக் கலவை தயாரிப்பில் ஏற்படும் சிறிய குறைபாடுகளே காரணமாக இருக்கும். எனவே, கட்டுமான நிறுவனங்கள் இது போன்ற மெல்லிய விரிசல்களை சுவரின் மற்ற பகுதிகளுக்கு ஏற்படாமல் பார்த்துக் கொள்ளவேண்டும்.

மேலும் எல்லா விரிசல்களும், கட்டடங்களுக்கு ஆபத்தை உருவாக்குமோ என்பது, அனாவசிய அச்சம். ஆழத்தை பொறுத்து, பளுவைக் கடத்தும் திறனின் அடிப்படையில் என, பல வகைகளாக விரிசல்கள் உண்டு. எனவே, சிறிய விரிசல்தானே என்று அலட்சியமாக இருக்காதீர்கள்.

-----------------------------------------------------------------------

2020, அக்டோபர் மாத , பில்டர்ஸ் லைன் கட்டுமான இதழிலிருந்து.

பில்டர்ஸ் லைன் இதழினை தபாலில் பெற : Call: 8825577291