"சுமார் 25 ஆண்டுகளுக்கு முன்பு துவங்கப்பட்ட, திருநெல்வேலி மாவட்ட கட்டு மான பொறியாளர் சங்கம் 50 பொறியாளர்களுடன் துவங்கப்பட்டது. தற்போது 200 உறுப்பினர்களுடன் வளர்ந்து நிற்கும் இச்சங்கம் தென் மாவட்டத்தில் பெரிய அமைப்பாக உருவெடுத்து நிற்கின்றது. எங்கள் சங்கத்தில் ஒழுக்கமும், கீழ்படிதலும் ஒருவருக்கொருவர் அரவணைத்துச் செல்வதிலும் முன்மாதிரியாக இருக்கிறது. 

தேர்தல் இல்லாமலேயே ஒவ்வொரு ஆண்டும் குறிப்பிட்ட பதவிகளுக்கான நிர்வாகிகள் தேர்வு செய்யப் படுகிறார்கள்’’ என்றவர் சங்கத்தின் சாதனைகளாக கூறும் போது, “”திருநெல்வேலியில் காலி மனை வரி என்பது கடும் அச்சுறுத்தலாக இருந்தது. அதாவது கட்டிடத்தை விட 15 முதல் 20 மடங்கு வரை காலி மனைக்கு வரி விதிக்கப்பட்டு ரூ. 40,000 - 50,000/- வசூலிக்கும் நிலை ஏற்பட்டது. எங்கள் சங்கத்தினர் இதற்காக போராடி 2009 முதல் சதுர அடி அடிப்படையில் நியாயமான வரி விதிக்க ஆவண செய்தோம். 

அதுமட்டுமல்ல 2 ஆண்டுகளுக்கு ஒருமுறை பில்ட் எக்ஸ்போ நடத்துவது, பொறியாளர்கள் தம் குடும்பத்தினருடன் இணைந்து கெட் டூ கெதர் நிகழ்ச்சிகள் நடத்துவது, என பல ஆக்கப்பூர்வமான நிகழ்ச்சிகளை நாங்கள் நடத்துகிறோம். 

எங்கள் சங்கத்தைச் சேர்ந்த உறுப்பினர்களான திரு.பழனிவேல், திரு.இசக்கியப்பன், திரு. துரை முத்து ஆகியோர் 2018-19 ஆண்டில் தமிழ்நாடு அரசு வெளியிட்ட பொது கட்டட விதிகள் ஆலோசனை குழுவில் உறுப்பினர்களாக இடம்பெற்று ஆலோசனை வழங்கினர் என்பது குறிப்பிடதக்கது ‘’ என பெருமையாக குறிப்பிட்டார். 

அவரிடம் உங்கள் தலைமை காலத்தில் நீங்கள் செய்து முடிக்க விரும்பும் பணி எது? என்று கேட்டபோது, 

“”நாங்கள் சங்கத்திற்கென சொந்தகட்டிடம் கட்டுவதற்கு தேவையான நிலத்தை வாங்கி இருக்கிறோம். கூடிய விரைவில் 3000 சதுர அடியில் சங்கக் கட்டிடம் கட்டி முடிக்க இருக்கிறோம்’’ என உறுதியாகத் தெரிவித்தார்.