இந்தியா முழுக்க கிளைகள் பரப்பியுள்ள அகில இந்திய கட்டுநர் சங்கத்தின் தேனி மையம் 2004- ல் துவங்கப்பட்டது. திரு.கே.பி.சர்வேஸ்வர ராஜா என்கிற ஒப்பந்தக்காரரின் முயற்சியால் இது சாத்தியமானது. இச்சங்கம் துவங்கப்பட்ட போது 35 உறுப்பினர்கள் இருந்தார்கள். தற்போது 200க்கு மேற்பட்ட உறுப்பினர்கள் பி.ஏ.ஐ தேனி கிளையில் இணைந்துள்ளனர். 

இச்சங்கத்தில் 55 ஆயுள் உறுப்பினர் களாக உள்ளனர் என்று குறிப்பிடத்தக்கது. அரசு புராஜெக்டுகளான பிடபிள்யூடி, டுவாட், நகராட்சி மற்றும் தனியார் புராஜெக்டுகளை செய்யும் ஒப்பந்தக்காரர்கள், கட்டுநர்கள், ஃபிளாட் புரோமோட்டர்கள், மணல், கல், ஜல்லி, குவாரி உரிமையாளர்கள் எங்கள் சங்கத்தில் உறுப்பினர்களாக இருந்து தேனி கட்டுமானத் துறைக்கும் பொதுமக்களுக்கும் அளப்பரிய சேவைகளைச் செய்து வருகிறார்கள். 

எங்களது இந்த 15 ஆண்டுக்கால பயணத்தில் கட்டுமானத்துறைக்கு சோதனை வந்த போதெல்லாம் எத்தனையோ போராட்டங்கள், ஆர்ப்பாட்டங்கள் செய்திருக்கிறோம். அவை அத்தனையுமே எங்கள் உறுப்பினர்களுக்கு மட்டுமல்ல, பொதுமக்களுக்கும் பயன் தரக்கூடியதாகவே இருந்து வருகிறது. 2011-ல் எங்கள் உறுப்பினர்களாக இருக்க கூடிய ஒப்பந்ததாரர்கள் அனைவருக்குமே மூன்று ஆண்டு களுக்கான சேவை வரி கட்ட வேண்டுமென உத்தரவு வந்த போது நீதிமன்றத்தில் வழக்கு தொடர்ந்து சேவை வரியிலிருந்து விலக்குப் பெற்றோம். இது எங்களது சாதனையாகக் கருதுகிறோம்’’