தேனி கட்டுமானப் பொறியாளர் சங்கம், 2009- ல் துவங்கப்பட்டது. பொறி. செண்பக ராஜன், பொறி. ரமேஷ் பாபு, போன்ற சமூக உணர்வுடையவர்களால் இது துவங்கப்பட்டது. அப்போது 10 உறுப்பினர்கள் தான் இருந்தார்கள். ஆரம்பத்தில் எங்களுக்கென சொந்த இடம் இல்லாததால் தேனிர் விடுதி, சிற்றுண்டி சாலை, போன்ற இடங்களில் எல்லாம் ஒன்று கூடி கூட்டம் நடத்தி இருக்கிறோம். பின் மெல்ல மெல்ல வளர்ந்து தற்போது 80 உறுப்பினர்கள் இணைந்து எங்கள் சங்கத்தை வலிமை ஆக்கியிருக்கிறார்கள். 

பே´யாட்டின் அனைத்து கிளை சங்கங்களுக்கும் உள்ள முதன்மையான நோக்கம் பொறியாளர்களின் அருமையை பொது மக்களுக்கு புரிய வைப்பதாகும். ஏனெனில், பொது மக்களுக்கு தரமான கட்டுமானம் எது என்பது புரியவில்லை. படிக்காத கொத்தனார்கள், ஒப்பந்ததாரர்கள் தரமற்ற கட்டுமானத்தை கட்டி விட்டு இலவசமாக சோபா, ஃபர்னிச்சர், ஏசி, மாடுலர் கிச்சன் கொடுத்தால் அவர்களை நாடி சென்று விடுகிறார்கள். அவர்கள் எங்களை போல திட்டமிட்ட கட்டுமான வடிவமைப்பை ஒரு போது செய்வதில்லை. 

கான்கிரீட்டை நீராற்றுதல் என்கிற அடிப்படை பணியைக் கூட அவர்கள் 100 சதவீதம் செய்வதில்லை. மக்கள் மலிவான விசயத்திற்கும், இலவசத்திற்கும் மட்டுமே மயங்கி விடுகிறார்கள்.இதை புரியவைப்பது தான் எங்களுக்கு பெரிய சவாலாக இருக்கிறது.