5 ஆண்டுகளுக்கு முன்பு (திருச்சி மாநகரில் G+2 மாடிகள் உடைய ஒரு தொடக்கப் பள்ளிக்கு - Hard Strata எனப்படும் கெட்டித்தரை கிடைக்கும் ஆழம் தோண்டிய (12 அடிக்கு மேலாக) கட்டுநரையும் தம் சொந்த வீட்டிற்கு தம்மிடம் சொந்தத்தில் JCB இயந்திரம் உள்ளதால் - 12 அடிக்கு மேலாக கடினத் தரை கிடைக்கும் வரை தோண்டிய தகுதியுள்ள பட்டப் பொறியாளரையும் நாங்கள் அறிவோம்.

இவையனைத்துமே இத்துறை சார்ந்த பொறியாளர்களுக்கிடையேகூட கட்டட உயரத்திற்கேற்ப -அடித்தள ஆழம் இருக்க வேண்டும் என்ற தவறான - அடிப்படையற்ற புரிதல் - தெளிவற்ற கருத்துப்பதிவு இருப்பதால் தான். கட்டுமானத்தில் அடித்தளப் பொறியியல் மற்றும் மண்ணியக்கப் பொறியிலும் - அடித்தள வடிவமைப்பு இவற்றிற்கேற்ப அமைய வேண்டும் என்று தெளிவாகக் குறிப்பிடப்பட்டுள்ளது.

எனவே, அடித்தளத்தின்ஆழம் எவ்வளவு என்பது அடித்தளப் பொறியாளர் மற்றும் வடிவமைப்புப் பொறியாளரும் இணைந்து கலந்து பேசி - மேலிருந்து கீழிறங்கும் மொத்த பாரங்களுக்கும் தேவையான மண்ணின் காப்பு தாங்குதிறன் (SBC) எங்கு கிடைக்கிறதோ அந்த ஆழமே போதுமானது.

குறை எடை தாங்கும் மண் வகையாக (Poor Bearing Soils) இருந்தால் செயற்கை முறையில் (கல்லுடைத்தூள்: செஞ்சரளை மண் கலவை 1:3 -300மி.மீ 900 மி.மீ ஆழத்திற்கு - 150மி.மீ அடுக்குகளாகக் கொட்டி கெட்டிப்படுத்தி அடித்தளம் அமைக்கலாம்.

(5 அடி முதல் 8 அடி ஆழம் வரை) தரையை ஓட்டியே sdr, sr & hr போன்ற பாறை இருக்கும் அடிமனைகளில் -300 மி.மீ முதல் 500 மி.மீ வரை வெட்டி - மட்டம் செய்து (Benching) - எஃகு உறுதியூட்டிகளைத் துளையிட்டு உள்நுழைத்து இறுக்கி (Anchoring) அதன்மீது அடித்தளத்தை (பன்மாடிகளாக இருந்தாலும்) அமைக்கலாம்.

- பொறி. அ. வீரப்பன்