பொள்ளாச்சி கட்டுமான பொறியாளர் சங்கம் 1994 ல் மே மாதம் துவங்கப்பட்டது. இச்சங்கத்தின் தலைவர். பொறி.சிங்காரவேலன் கூறும்போது, ‘‘மேஸ்திரிகள், சப் கான்ட்ராக்டர்கள், தொழிலாளர்கள் போன்ற பலரும் தங்களுக்குள் சங்கத்தை அமைத்து எந்த பிரச்சினை என்றாலும் அவர்களின் சங்கத்தின் மூலமாகவே தனிப்பட்ட பொறியாளரை அணுகினார்கள். ஆனால் நாங்கள் எங்களுக்குள் சங்கம் போன்ற எந்த வித அமைப்புகள் இல்லாமல் தனித்தனியாகத்தான் இருந்தோம்.
  
இதனால் நமக்கென ஒரு சங்கம் இருந்தால் தொழிற்நுட்ப பிரச்சினைகளை பரிமாற்றம் செய்து கொள்ளவும், வாடிக்கையாளர்களுடையான ஒப்பந்த விவகாரங்களை சிக்கலின்றி தீர்த்து கொள்ளவும் உபயோகமாக இருக்கும் என்று எண்ணி இச்சங்கத்தை துவங்கினோம். 

வெறும் 7 பேருடன் துவங்கப்பட்ட இச்சங்கம் 200 பேர் கொண்டதாக வளர்ந்த சமயத்தில் சங்கத்தில் இருந்த சில உறுப்பினர்கள் கருத்து வேறுபாடு காரணமாக தனியே பிரிந்து சென்று விட்டனர். தற்சமயம் எங்கள் சங்கத்தில் 43 பேர் இருக்கிறார்கள். தெளிவான செயல்பாடுகள், நல்ல நோக்கம், ஒற்றுமை, போன்ற காரணங்களால் இந்த 25 ஆண்டுகாலம் ஒரு முன் உதாரணச்சங்கமாக எங்கள் சங்கம் திகழ்ந்து வருகிறது. வருகிற மார்ச் மாதம் எங்கள் சங்கத்தின் 25 ஆண்டு வெள்ளி விழாவைக் கொண்டாட இருக்கிறோம் என்றார்.

சங்கத்தின் செயல்பாடுகள் குறித்து..

நாங்கள் ஒரு ஒட்டு மொத்த பெரிய அமைப்பாக இருப்பதால் பொள்ளாச்சி கட்டுமானத்துறையின் போக்கை பற்றி ஆராய்ந்து அதற்கு ஏற்றாற்போல் முடிவுகள் எடுத்து கூட்டாக செயலாற்றுகிறோம். மாதந்தோறும் சந்திப்புக் கூட்டங்களை நடத்தி எங்கள் நட்புறவை தொழில் வெற்றிகளை, சிக்கல் களை, மற்றும் தீர்வுகளை அளவளாவிக் கொள்கி றோம். தொழிலாளர்களின் கூலி, புது தொழில்நுட்பங்களின் வரவு, காசை மிச்சப் படுத்தும் உத்தி, வாடிக்கை யாளர்களின் தேவை, போன்ற பலவிஷயங்களை நாங்கள் ஆலோசித்து தெளிவு பெறுகிறோம். மாநிலம் தழுவிய பொறியாளர் அமைப்பான ஃபேஷியாட், கட்டுமானத் துறைப் பிரச்சனைகளுக்காக நடத்தும் அனைத்துப் போராட்டங்களுக்கும் ஆதரவு தந்து இணைந்து பணியாற்றுகிறோம். 

கட்டுமானத் தொழிலாளர்களைப் பொறுத்தவரை அவர்களுக்கு தேவையான திறன் மேம்பாட்டு பயிற்சிகளை உரிய நிறுவனங்கள் துணையுடன் அளிக்கிறோம். கல்லூரிகளில் இறுதி ஆண்டு பயிலும் மாணவர்களுக்கு தேவையான அறிமுக களப்பயிற்சியை எங்கள் பொறியாளர்கள் இலவசமாக வழங்குகிறார்கள்’’  என்றார்.

திரு. சிங்கார வேலு  பொள்ளாச்சியில் ராஜ லட்சுமி சிவில் கன்ஸ்ட்ரக்rன் என்ற நிறுவனத்தை 1989 முதல் நடத்தி வருகிறார். இதுவரை ஐந்து லட்சம் சதுர அடிக்குமேல் கட்டுமானங்களை உருவாக்கி இருக்கிறார் திரு.சிங்கார வேலு.