தங்களுக்கென சொந்தமாக வீடு கட்ட வேண்டும் என்று வைராக்கியத்தில் என்னிடம் வந்தார்கள்.

திருமணம் ஆகி மூன்று ஆண்டுகளில் நாங்கள் முன்னுக்கு வந்து விட்டோம் என்பதைத் தன் உறவுகளுக்குக் காட்ட ச.அடி. ரூ. 2,000 யில் (ஐந்து ஆன்டுகளுக்கும் முன்) நல்ல லக்சரியாக, வீடு கட்ட என்னைப் பணித்தார்கள்.

ஒப்பந்தம் முடிவானது. நானும் நல்ல பிராண்டிங் பொருட்களைப் போட்டு, அவர்கள் எதிர்பார்த்தைவிட லாவிஷாக வீடு கட்ட ஆரம்பித்தேன். வேலை துவங்கிய ஐந்தாவது மாதத்தில் அந்த இளைஞனுக்கு ஒரு சாலை விபத்து ஏற்பட்டது. மூன்று மாதம் படுத்த படுக்கையாகி விட்டார். வருமானம் குறைந்தது. கடன் அதிகரித்தது. வேலை போகும் சூழலும் வந்தது. அப்பெண்ணின் வருமானம் மட்டும்தான். கணவரையும் பார்த்துக்கொண்டு, வேலையும் பார்த்துக் கொண்டு, சொந்த வீட்டுக் கட்டுமானத்தையும் பார்த்துக்கொண்டு மிகவும் சிரமப்பட்டாள் அப்பெண்.வீட்டைக் கட்டி முடிக்க இன்னும் மேற்கொண்டு 6 லட்சமாவது இல்லையயன்றால், இனி வீட்டை மேற்கொண்டுக் கட்ட முடியாது என்ற நிலை ஏற்பட்டது.

செய்வதறியாவது அவர்கள் விழித்த போது, கட்டுமானத்தின் டிசைனை கொஞ்சம் மாற்றி, சில ஆடம்பர வசதிகளைக் குறைத்து எதில்,எதில் மிச்சம் பிடிக்க முடியுமோ அதில் மிச்சம் பிடித்து, மாற்று வழிகளை பயன்படுத்தி ரூ.2 லட்சம் வரை குறைத்தேன். எனது சம்பளத்தையும் குறைத்துக் கொண்டேன். மீதிப்பணத்திற்கு என் ஜாமீனில் அவர்களுக்கு கடனுதவியும் ஏற்பாடு செய்து தந்தேன்.

இப்போது அவர்கள் எனது குடும்ப உறவினர்கள் போன்று ஆகிவிட்டார்கள். வாடிக்கையாளருக்கு நிதிச்சுமை ஏற்பட்டால், நாமும் அதில் கொஞ்சமாவது பங்கேற்று உதவுவதுதான் இத்தொழிலுக்கு மூல காரணம். அதற்குப் பின் இந்த தம்பதியரின் சிபாரிசில் எனக்கு 20 வீடுகள் ஆர்டர் வந்தன என்பது வேறு விஷயம்".

பில்டர்ஸ்லைன் இதழிலிருந்து...

For Subscription pl call : 8825479234
www.buildersline.in