இனி கட்டடத்தை மடித்து வைக்கலாம்

கட்டுமானத் துறையில் சுழலும் கட்டிடம், திரும்பும் கட்டிடம் போன்றவற்றையெல்லாம் நாம் நிறைய பார்த்தாகி விட்டது. இப்போது கட்டுமானத்துறையில் ஒரு உச்சக்கட்ட தொழிற்நுட்பமாக மடியும் கட்டிடம் என்கிற புது டெக்னாலஜி வர இருக்கிறது.  அதாவது ஃபோல்டபிள் டவர்.  அது எப்படி ஒரு கட்டிடத்தை மடித்து வைக்க முடியும் என்றால், "நிச்சயம் கட்டிடத்தை ஒரு குடை போல மடித்து வைக்க முடியும்’’ என்கிறார் இதை வடிவமைக்க கூடிய தலைமை ஆர்க்கிடெக்ட் ஜேகப் குலுசியா என்பவர்.  

“கட்டிடத்திற்கான ஸ்ட்ரக்சுரல் வடிவமைப்பு நிலையாக நிறுத்தப்படாமல், ஆபத்துக் காலங்களில் அல்லது பேரிடர் காலங்களின் போது ஒன்ஷீன் மீது ஒன்று அடுக்காக மடியக் கூடிய அளவில் ஸ்ட்ரக்சரலை வடிவமைத்தோம் என்றால் இது சாத்தியமே’’ என்கிறார் ஜேகப் குலுசியா.  ‘அப்படி கட்டிடம் மடியும் போது வீட்டில் உள்ள பொருட்கள் என்ன ஆகும்?’ என்றால் ‘‘இது குடியிருப்பு கட்டிடங்களுக்கோ அல்லது அலுவலக பயன்பாட்டு கட்டிடங்களுக்கோ சாத்தியமற்றது.  இது கண்காணிப்பு கோபுரம் அல்லது தொலை தொடர்பு கோபுரம் போன்றஉயரமான கட்டிடங்களுக்கு இந்த முறை மிகவும் ஏற்றது’’ என்கிறார் ஜேகப். 
 

விண்வெளி ஆராய்ச்சிகளை மேற்கொள்கிற ஒரு உயரமான டவர்களை குறைந்த செலவில் அதே சமயம் ஆபத்து காலங்களின் போது மடித்து வைக்கும்படி ஒரு கட்டிடத்தை ஜேகப்பிடம் கேட்ட போது ஜேகப் அப்படி செய்ய வேண்டுமெனில் டென்சில் மற்றும் ஃபேப்ரிக் கட்டடங்கள் தான் இது போன்ற பணிக்கு லாயக்கு என தீர்மானித்திருக்கிறார்.  

‘‘ஸ்டீலினால் ஆன ஸ்ட்ரக்சரில் கனமான டென்சில் பேப்ரிக் பொருத்தப்பட்டு இந்த உயரமான கட்டடத்தை நிறுவலாம்’’ என்கிறார் ஜேகப். ‘‘ஸ்டீல் மட்டுமல்ல எளிதில் மடங்கி விரியக் கூடிய மரப்பலகைகளை பொருத்தி அதன் மூலம் கூட மடக்கி நிமிர்த்த கூடிய கட்டடங்களை உருவாக்க முடியும்’’ என்றும் இவர் கூறுகிறார்.  
 

சமீபத்தில் ஜப்பானில் உள்ள ஒரு வனப்பகுதியில் இரு போன்ற ஒரு மடக்கி விரிய கூடிய தற்காலிக மர டவர் ஒன்றை இவர் நிர்மாணித்திருக்கிறார்.  இது போன்ற ஃபோல்டபில் டவர்கள் தான் பேரிடர் காலங்களுக்கு மனிதர்களுக்கு மிகவும் பாதுகாப்பை தர வல்லவை என்றும் இவர் கூறுகிறார்.  இவர் ஜப்பானில் உருவாக்கிய இன்னொரு மரக்கட்டுமானத்திற்கு உலகளவில் மிகச் சிறந்த பாதுகாப்பான மரக்கட்டுமானம் என்கிற விருதும் கிடைத்திருக்கிறது.

ஒரு ஈசி சேரைப் போல, குடையைப் போல்  ஒரு கட்டுமானத்தையே மடித்து வைக்க முடியும் என்றால் இது தான் டெக்னாலஜியின் உச்சம்.