பூகம்ப அதிர்ச்சி ஏற்பட்டதும் இந்த இரும்புப் படுக்கையில் உள்ள ஸ்பிரிங் விலகி உள்ளே உங்களைத் தள்ளிவிடும். படத்தில் காண்பித்துள்ளபடி பிறகு கதவுபோலத் தானாக மூடிக்கொள்ளும். இப்போது இரும்புப் பெட்டிக்குள் நீங்கள் பத்திரமாக விழுவீர்கள். படுக்கையில் உள்ளே மெத்தையுடன் உள்ளே விழுவதால் அடிபட வாய்ப்பு இல்லை. மேலும் திடமான இரும்புப் பெட்டியாக இருப்பதால் பூகம்பத்தால் கூரைச் சுவர் இடிந்து விழுந்தாலும் பாதிக்கப்பட வாய்ப்பில்லை.

இந்த எந்திரத்தை வாங்வேன்சி 2010-ல் கண்டுபிடித்தார். முதலில் சோதனை முயற்சியில் சில தோல்விகள் அவருக்கு ஏற்பட்டன. படுக்கையில் விலகிப் படுத்தால் பாதிப்பு இருக்குமா என்பது போன்ற சந்தேகங்கள் எழுந்தன. மேலும் உள்ளுக்குள் அகப்பட்டிருக்கும்போது மீட்க வருபவர்களுக்கு சமிக்ஞை காட்ட வேண்டும். மீட்பதற்குச் பல மணி நேரமோ நாட்களோ ஆக வாய்ப்புள்ளது. அதுவரை உள்ளே இருப்பவர்களுக்கு உணவு வேண்டும் அல்லவா?

இம்மாதிரியான சில குறைபாடுகளைப் பின்பு கலைந்தார். உள்ளே சுவாசிப்பதற்குத் தேவையான சாதனங்கள், உணவுப் பொருள்களையும், தண்ணீர்க் குடுவைகளையும் வைத்தார். மேலும் மீட்புப் பணியில் இருப்பவர்களின் கவனத்தை ஈர்க்க விசிலையும் அந்தப் படுக்கையின் கீழ் தளத்தில் வைத்தார். இப்போது இந்த ஆண்டி எர்த்குயிக் பெட் முழுமையான வடிவமைப்புடன் சீனாவில் விற்பனைக்கு வந்துள்ளது.