எந்தக் காரணத்தால் சிமெண்ட் கலவை - செயற்கை மணலோடு பிணைப்பினை (ஒட்டுத்தன்மை) ஏற்படுத்தவில்லை என்று தெரியவில்லை. செயற்கைமணல் உருண்டையாக இல்லாமல் கனசதுர வடிவில் இருப்பதாலும் மேற்பரப்பு சொர சொரப்பாக இல்லாததாலும் ஏற்படலாமோ என்ற அய்யப்பாடு உள்ளது. சோதனைகள் மூலம் இது உறுதிப்படுத்தப்பட வேண்டும்.

(அ)... கட்டுக்கலவை (செயற்கை மணல்கலவை)யில் ஒரு மூட்டை சிமெண்ட்டுக்கு super plasticiser 100 மில்லி லிட்டர் முதல் 150 மில்லி லிட்டர் வரை கலந்து(cera plast 100 / cera plast 200) தயாரிக்கப்பட்ட கலவை இக்குறைபாடு இன்றிக் கெட்டியாகவும் வலிமையோடும் இருக்கும். 
ஆனால் கலவையினை அரை மணி நேரத்திற்குள் பயன்படுத்திட வேண்டும். நாள் முழுவதும் வைத்துக்கொண்டு பயன்படுத்த முடியாது; ஒரு மணி நேரத்திலேயே கெட்டியாகிவிடும்.

(ஆ) செயற்கை மணலுக்குப் பதிலாக - கருங்கற் உடை சல்லி மாவுடன் (Stone Crusher Dust - Quarry Dust) - சிமெண்ட் மற்றும் Ceraplast 100/200இல் 150 மில்லி லிட்டர் கலந்து கலவை தயாரித்துக் கட்டினால் வலிமையாகவும் கெட்டியாகவும் இருக்கும், இக்கலவையின் செலவும் மிகக் குறைவே. பல கட்டடங்களில் இதைப் பயன்படுத்தி வலிமையினை உறுதி செய்யப்பட்டுள்ளது.