இதிலிருந்து கற்கும் பாடம் என்ன?

களிமண் கலந்த அடிமனை வெட்டு மண்ணைக் கொண்டு அடித்தளத்தையும் வெளிப்புறச் சுவர்களையும் நிரப்பக் கூடாது. நீர் உலர்ந்த களிமண்ணில் கரையான்கள் எளிதாகப் புற்று வைக்கும். இதுவே பெரிய வில்லன் என்பது பலருக்கும் (கட்டட மேஸ்திரி உட்பட) தெரிவது இல்லை.
கரையான் மருந்து கட்டடம் கட்டும்போது மிகச் சரியாக அடித்தாலும் அதன் வீரியம் நான்கைந்து மழைக்குப் பின் (5 ஆண்டுகளுக்குப் பிறகு) பெரிதும் குறைந்து விடவே, உலர் களிமண்ணில் மீண்டும் கரையான் உற்பத்தியாகிறது.

முன்பே கட்டிய வீட்டில் இப்போது கரையான் வந்துள்ளதைத் தடுப்பது / ஒழிப்பது எப்படி?

வீட்டின் வெளிப்புறச் சுவர்களை ஒட்டி சுற்றி 2 அடி அகலத்தில் 3 அடி ஆழத்திற்கு (upto Grade Beam level) தோண்டி களிமண் முழுவதையும் வெட்டி எடுத்து வெளியே கொண்டு கொட்டவும். தோண்டிய பள்ளத்தில் (2’0’ மு 3’0’)-கருங்கல் உடைதூள் (Stone crusher dust - Quarry dust) கொட்டி முழுமையும் நிரப்பவும். அதற்கு மேலும் சுவர்களை அணைத்து 1’0” உயரத்திற்குக் கொட்டவும். இதன் வாயிலாக மீண்டும் கரையான் உற்பத்தியாவதை முழுமையாகத் தடுக்கலாம்