கனடாவில், கால்காரி என்கிற நகரில் 100மீ அகலத்தில் ஓடுகிற ஒரு ஆற்றின் குறுக்கே பாலம் கட்ட வேண்டிய அவசியம் ஏற்பட்டது. ஆற்றில் பில்லர்கள் நிறுவினால், அது நீரோடத்திற்கு தடையாக இருக்கும் என்பதால் புதிய தொழில்நுட்பம் உதவியுடன் பில்லர்களே இல்லாத அல்லது பில்லர்கள் தேவைப்படாத ஸ்டீல் பாலத்தை பாதசாரிகளும், சைக்கிள் ஓட்டிகளும் கடப்பதற்காக உருவாக்கியிருக்கிறார்கள்.

மொத்த எடையும் இரு கரைகளில் மட்டுமே தாங்கும்படி இந்த பாதசாரிகளுக்கான பாலம் வடிவமைக்கப்பட்டிருக்கிறது. 8மீ அகலம் உடைய இந்த பாலத்தின் மொத்த நீளம் 126மீ ஆகும். ஆற்றின் நீர்பரப்பிலிருந்து 5.85மீ உயரத்தில் இருக்கும்படி பாலத்தை அமைத்திருக்கிறார்கள்.
சைக்கிள் செல்ல 2.5மீ இடமும், 3.7மீ பாதசாரிகள் கடந்து செல்லவும் ஒதுக்கியிருக்கிறார்கள்.

தாங்கு தூண்கள் இல்லாமல் இப்படி ஒரு நீளமான பாலத்தை கனடாவில் உருவாக்கியிருப்பது அஷீவார்ந்த கட்டிடக்கலை அதிசயமாகவே பார்க்கப்படுவதால் உலகின் சிறந்த பாதசாரிகளுக்கான முதல் 10 பாலங்களில் இதுவும் இடம்பெற்றிருக்கிறது.